هدم حياه1 حكايات صافي هاني

 

خزنة إيه؟

 

قال أبوه

 

في الفندق… الأوضة اللي كنتي فاكرة إنها مكان الخيانة

 

نفسي اتقطع

 

قلت له وأنا صوتي بيرتعش

 

يعني… ماكانش بيروح هناك مع واحدة؟

 

هز راسه بالنفي وعينه دمعت

 

وقال

 

ابني عمره ما خانك يا باسمة… ولو عرفتي الحقيقة هتكرهي نفسك على كل يوم بعدتي فيه عنه

 

الكلمة دي نزلت عليا كأنها صاعقة

 

افتكرت كل خناقة حصلت بينا

 

كل مرة اتهمته فيها بالكذب

 

كل ليلة نام فيها لوحده بعد الطلاق

 

وحسيت لأول مرة إني يمكن كنت ماشية ورا دليل ناقص

 

مديت إيدي بسرعة وقلت

 

قولي… بالله عليك قول الحقيقة كلها

 

لكن قبل ما ينطق شهق شهقة قوية وسقط على الأرض قدامي

 

الناس جريت عليه والدكتور اللي كان موجود بين المعزين حاول يسعفه

 

وأنا واقفة والمفتاح في إيدي ببص له ومش قادرة أتحرك

 

وفجأة سمعت أخو طارق بيهمس في ودن واحد من ولاده وهو فاكر إن محدش سامعه

 

قال بسرعة

 

الحقوه قبل ما تروح على الفندق… لو فتحت الخزنة كل حاجة هتتكشف.صص هناك معظمها حصري وعشان يوصلك كل جديد♥♥♥♥♥♥♥

@أبرز المعجبين

#حكايات_صافي_هاني

#حصرياتجمدت مكاني

 

الكلمات اللي سمعتها كانت أوضح من أي حاجة سمعتها في حياتي

 

لو فتحت الخزنة كل حاجة هتتكشف

 

بصيت ناحية أخو طارق أول ما خلص كلامه لقيته رفع عينه عليا فجأة

 

عرف من نظرتي إني سمعته

 

اتوتر بسرعة وقرب مني وقال وهو بيحاول يتصرف بطبيعية

 

باسمة… أنتي رايحة فين دلوقتي

 

قلت له وأنا مخبية المفتاح في شنطتي

 

راجعة البيت

 

ابتسم ابتسامة باهتة وقال

 

أحسن… سيبي كل اللي فات يعدي… ملوش لازمة نفتح جروح قديمة

 

هزيت راسي من غير ما أرد

 

لكن من جوايا كنت أخدت القرار

 

لازم أعرف الحقيقة مهما كانت

 

أول ما وصلت البيت طلعت الفواتير القديمة من الدرج وحطيتها جنب المفتاح

 

كلها كانت لنفس الفندق

 

ونفس رقم الأوضة

 

لكن وأنا بقلب واحدة منهم وقعت ورقة صغيرة كانت لازقة بين الفواتير

 

استغربت لأني عمري ما شفتها قبل كده

 

فتحتها

 

كان إيصال إيداع لخزنة أمانات داخل الفندق

 

ورقم الخزنة مطابق للرقم المكتوب على الورقة اللي سابهالي طارق