بعد وفاة مراتي 2حكايات صافي هاني

كريم بص لي وهو مرعوب، والدموع كانت في عيونه لأول مرة أشوفها بالضعف ده. ركع على ركبه قدام باب البيت القديم، وقال بصوت مكسور ومنهار: "أنا ضعت يا بابا.. الحسابات كلها اتقفلت، والشركة اللي باعتلي الفيلا طلعت عصابة، ومكتبي.. مكتبي اتقفل لأنهم حجزوا على كل أموالي بحجة التحقيق! أنا مش معاي حتى حق طريق الرجوع!" بصيت له لفترة طويلة، ملامح الغرور والاستهزاز اللي كانت على وشها من يومين في مكتب المحامي اتمسحت تمامًا، ومقعدش قدامي غير شاب مغرور دفع ثمن طمعه وغبائه. كارولين وقفت بعيد باحتشام، وبصت لنا بشفقة، وهي ماسكة عكازينها بإيد ثابتة وبتراقب المشهد بصمت. وطيت لمستوى كريم، ومسكت كتفه بقوة، وقلت بصوت هادي وحازم: "قُم يا كريم.. اللي بيعتمد على الغش والخداع جزاؤه يوقع على وشه. أنت اخترت تبيع بيتنا، وتطرد أبوك، وتستعجل على ورث أمك وهي لسه ما نشفش تراب قبرها.. وادي النهاية." صرخ من القهرة: "يعني هتعمل فيا إيه؟! هتطردني زي ما عملت؟!" هزيت رأسي بالنفي، وفتحت الجواب اللي سابته أمل، وطلعت منه المستندات الرسمية اللي تثبت إن عقود رأس البر سليمة مية في المية، وإن الأوراق اللي بتدين العصابة واللي بتثبت براءة ذمة كريم الإدارية موجودة وجاهزة للتقديم للجهات المختصة. قلت له: "أنا مش زيك يا كريم.. أمك الله يرحمها ربتني على الشرف، وعلمتني إن الابن مهما غلط بفضل ضهره مش حيطته المايلة. الورق ده.. هو طوق النجاة اللي هيطلعك من القض\ية دي، بس بشرط واحد." وقف باهتمام، وقال بسرعة: "آمر يا بابا.. أعمل أي حاجة، أنا مستعد أتنازل عن أي شيء!" كملت بجدية تامة: "تنسى الغرور، وتتعلم إن الفلوس بتروح وتيجي، بس الأصول والأهل مبيتعوضوش. البيت ده.. رأس البر اللي كنت بتستهزأ بيه وبتضحك على أبوك عشان قعد فيه.. هو المكان الوحيد اللي هيستوعبك ويلم شتاتك من تاني." كريم بص حواليه للبيت القديم، وللورد اللي زرعته أمل، وللشباك اللي كان بينور بالليل لوحدة ست كرست حياتها لعمل الخير بصمت.. ودموعه نزلت بصمت وهو بيحضن إيدي لأول مرة من سنين طويلة. في اللحظة دي، حسيت إن أمل مش ميتة.. دي كانت حاضرة بينا بكل خطوة، بترتب قلب ابنها الغافل وبتصلح اللي انكسر. دخلت أنا وكريم، وقفلت الباب ورايا، وبدأت صفحة جديدة في بيت النخيل برأس البر. #حكايات_صافي_هاني #حصريقعدت أنا وكريم في الصالة الهادية، والهوا العليل بتاع البحر داخل من الشبابيك المفتوحة. كارولين جهزت لنا كوبايتين شاي بحباها، وقعدت معانا كأنها واحدة من العيلة. كريم كان باصص للأرض بكسرة، وقال بصوت مهزوز: "أنا آسف يا بابا.. سامحني على كل كلمة قلتها، وعلى طمعي.. أنا بجد ما كنتش شايف غير نفسي." حطيت إيدي على كتفه بحنان، وقلت له: "الدرس كان قاسي يا كريم، بس الغالي بجد بيتعلم منه. أمك الله يرحمها سابتنا وراها ومعانا أمانة، والبيت ده مش عشة زي ما كنت بتقول.. ده المكان اللي هيلمنا ويبنينا من جديد." تاني يوم الصبح، بدأنا أنا وكريم صفحة جديدة. نزلنا مع بعض نلف على الجهات المختصة، وقدمنا المستندات القانونية اللي سابتهالنا أمل في الظرف، وخلال أيام قليلة، اتحلت أزمة كريم القضائية واترفع عنه الحجز، بعد ما اثبتنا إنه كان ضحية لعصابة نصب استغلت اسمه وساذجته. طبعا الفيلا راحت، وفلوس الساحل طارت، بس كريم رجع لي أنا وابنه البار اللي عرف قيمة أبوه وأصله. باع عربيتنا القديمة وعملنا مشروع هندسي صغير أنا وهو هنا في رأس البر، مستغلين خبرتي السنين اللي فاتت كلها. وبقينا نقعد كل عصر نشرب الشاي في البلكونة اللي بتبص على البحر، ونفتكر أمل، وضحكتها اللي لسه مليانة في البيت. وفي يوم، واحنا قاعدين سوا، بصيت لكريم وقلت له ابتسامة صافية: "ها يا مهندس كريم.. لسه شايف رأس البر خردة؟" ابتسم بحب، وبص للبحر وقال: "دي أحلى جنة يا بابا.. لولاها، كنت ضعت للأبد." #حكايا_هاني #حصري عدت الأيام، ورأس البر بقت بالنسبة لنا مش مجرد مكان بنستخبى فيه من صدمة الماضي، دي بقت نقطة انطلاق جديدة. الورشة الصغيرة اللي فتحناها أنا وكريم بقت ليها اسم وسط المقاولين والناس في البلد، بفضل سُمعتي الطويلة في الهندسة المدنية وذكاء كريم اللي اتعلم الدرس بمرارة بس بقا أشطر وأكثر وعي. في يوم خميس، الشارع كان هادي، ونسمات الهوا محملة بريحة الياسمين اللي كارولين زرعته حوالين السور القديم عشان تخلد ذكرى أمل. كنت قاعد أنا وكريم في البلكونة، بنراجع رسومات مشروع جديد لتطوير مرسى الصيد في رأس البر. كريم رفع راسه من على اللوحات، وبص لي بابتسامة صافية وقال: "يا بابا... تصدق إن العشة دي بقت أنظف وأدفى بكتير من فيلا الساحل؟" ابتسمت وأنا بشرب آخر بقين من الشاي، وقلت: "البيوت يا كريم مش بحجمها ولا بفخامتها.. البيوت باللي بيكسبوا جدرانها دفى وأمان. أمك الله يرحمها كانت عارفة هي بتعمل إيه لما اختارت ده لينا." كارولين خرجت ومعاها صينية الشاي، وقالت بضحكة هادية: "يلا يا مهندس أنت وهو، الشاي هيبرد واللوحات دي هتهرب منكم." ضحكنا كلنا، وحسيت ساعتها إن الوجع اللي عشنا أسبوعه الأول انقشع، وساب مكانه رضا وسلام حقيقي. فلوس الساحل راحت، وغرور كريم راح، لكن الباقي كان أغلى بكتير: عائلة راجعة لبعضها، وأصل ثابت ميهزش أي ريح. #حكايات_صافي_هاني #حصري

مقالات ذات صلة

السوداني حامد ادم

عروسه بالغلط انجي الخطيب

كريم محمود عبدالعزيز أحدثهم.. 3 شـ،ـائعات ارتبـ،ـاط طـ،ـاردت دينا الشربيني .. فين الحقيقة

قصة مؤثرة في منتهى الرووعة

نعي هند صبري لزوجة نضال الشافعى يثير الجدل.. والفنانة تعلق

حضانة بنتي

اترك تعليقاً إلغاء الرد